هل تظهر الحبوب بعد إزالة الشعر من الوجه؟؟

معانا بامر الله النهاردة موضوع مهم قوي وناس كتير بتشتكي منه وبتسال فيه
فلذلك حبيت اجيب من الاخر واقول لكم ازاي نقضي علي الموضوع ده ان شاء الله ونهائيا.

الحبوب بعد الفتلة او الشمع او ازالة شعر الوجه بشكل عام علاجها بسيط قوي نفذي اللي هقولك عليه في صورة الخطوات اللي جاية و ان شاء الله تختفي وتدعي لي

1- قبل ما تعملي وشك سواء في البيت او عند الكوافيرة او باي شكل كان لازم تغسلي كويس بميه دافية مايلة للسخونة شوية وياريت لو تستعملي صابونة طبية وانتي بتغسليه
يعني صابونة كبريت ماشي صابونة ديتول مايضرش لايف بوي مش مهم وهكذا.

2- لما تروحي بقي تعملي وشك ارجوكي ما تخليش البنت اللي بتعمل او انتي نفسك بالفتلة تحط الخيط في فمها او تقطعه بفمها او تلفه لان ده اكتر حاجة بتنقل جراثيم وتخليها رايحة جاية علي وشك زي المقشة عمالة تاخد من هنا تروح هنا بكتيريا وجراثيم .

3- اول ما تخلص عمايل وشك فورا امسحي وشك بمناديل ديتول المعقمة او اي مناديل بتقتل البكتريا.

4- ياريتك تكوني واخدة معاكي زجاجة معمول فيها تلج ولو طبعا ماقدرتيش فورا بعد ما تمسحي وشك بالمنديل المعقم اشطفي بميه ساقعة تلج علي قد ما تقدري عشان تقفلي المسام.

5- لما ترجعي البيت تغسلي وتنضفي وشك كويس وتعملي ماسك عبارة عن
نشا+عسل نحل+ميه ورد
وتفرديه علي وشك وتشطفيه بعد 20 دقيقة مش اكتر.
وتكرري الماسك ده مرة يوميا لمدة تلات ايام.

6- قبل النوم يوميا كريم فيوسيدين لمدة يومين او تلاتة لو الحالة مستعصية قوي
بس لو حامل والا بترضعي والا حاجة بلاش منه وخليكي في الماسك وبس.

وسلامتكم

المصدر

ما شاء الله عيلك اختنا الغالية ام عبد الرحمن استاذة فن التجميل بارك الله فيك وعلى إلمامك بالمواضيع وحسن الترتيب
جزاك الله خير الجزاء

هل تظهر الحبوب بعد إزالة الشعر من الوجه؟؟ Img_1320186685_655

هل تظهر الحبوب بعد إزالة الشعر من الوجه؟؟ Img_1320186685_655

موضوع جميل ورائع يا ام عبد الرحمن جزاك الله الجنه ونفع بك امه سيدنا محمد

هل تظهر الحبوب بعد إزالة الشعر من الوجه؟؟ 16665.imgcache

تسلمي اختي الغالية موضوع مهم جداااا , و جميل الله يكرمك

» طريقة لازالة الشعر الزائد وبدون الم